Dette er dei mest populære aktivitetane i området
Frå Lindstrøm Hotel i hjartet av Lærdal er vegen kort til store opplevingar. Du bur midt i smørauget, med storslått natur, majestetiske fjordar og rik historie rett utanfor døra. Her får du det beste av Vestlandet samla på ein stad, ekte og lett tilgjengeleg.
1. Borgund stavkyrkje – eit vindauge til mellomalderen
Berre 20 minutt frå Lærdal ligg ei av dei best bevarte stavkyrkjene i landet. Borgund stavkyrkje er eit unikt døme på mellomaldersk byggjekunst. Dei mange takflatene, drakehovuda og dei utskorne portalane gjer henne lett gjenkjenneleg, og ho har vore modell for restaurering av fleire andre stavkyrkjer. I det moderne besøkssenteret får du både innsikt i kyrkja si historie og stavkyrkjearkitekturen generelt, i tillegg til utstillingar frå vikingtida og ein triveleg kafé. Meir om besøk til Borgund Stavkyrkje.
2. Verdsarvfjordar og UNESCO-magien
Nærøyfjorden, ein arm av Sognefjorden, står på UNESCO si verdsarvliste og byr på spektakulære fjordlandskap med bratte fjellsider og fossefall. Du kan oppleve fjorden frå båt, kajakk eller til fots via stiar som slingrar seg langs vatnet. Turar frå Gudvangen eller Flåm er populære og lett tilgjengelege frå Lærdal. Meir om dagstur til Flåm.
3. Flåmsbana – ei av verdas vakraste togreiser
Frå Flåm kan du ta Flåmsbana, ei spektakulær reise gjennom bratte dalar, fossefall og grøne lier. Toget går frå fjorden og opp til høgfjellet ved Myrdal, med utsikt som tek pusten frå dei fleste. Dette er ei oppleving for både store og små. Meir om tur med Flåmsbana.
4. Kongevegen over Filefjell – vandring med historisk sus
Den restaurerte Kongevegen over Filefjell byr på ei reise til fots gjennom historie og natur. Ruta var ein gong hovudvegen mellom aust og vest, og er i dag eit eldorado for turgåarar som vil kombinere naturoppleving med kulturarv. Lærdalsdalen er eit sentralt punkt langs vegen og byr på fleire start- og stoppunkt for dagsetappar. Guida tur i Vindhella.
5. Rallarvegen – sykling i spektakulære omgjevnadar
Frå Finse til Flåm går den historiske Rallarvegen – ei av dei mest populære sykkelrutene i landet. Ruta følgjer gamle anleggsvegar frå Bergensbanen og byr på alt frå høgfjell til fjord. Det er mogleg å leige sykkel og organisere transport til startpunktet frå Lærdal. Meir om sykkeltur på Rallarvegen.
6. Aurlandsdalen – ein klassikar blant fjellturar
Aurlandsdalen er ein av dei mest kjende fotturane i Noreg, og går gjennom eit dramatisk og vakkert landskap frå fjell til fjord. Ruta mellom Østerbø og Vassbygdi er om lag 20 kilometer lang og byr på frodig natur, fossar, gamle steingardar og spor etter busetnad heilt tilbake til mellomalderen. Turen kan gjerast som dagstur og passar for deg som er vant til å gå i fjellet. Frå Lærdal er det kort veg til både start- og endepunkt, og det finst gode transportmoglegheiter med buss. Meir om fottur i Aurlandsdalen.
