Køyre nasjonale turistvegar sommaren 2025?
Tre av dei nasjonale turistvegane ligg nærme Lindstrøm Hotel. Perfekt for deg som ønskjer ein lengre tur med bil etter motorsykkel i sommar.
Dei 18 nasjonale turistvegane er køyreturar gjennom vakker norsk natur, med tilrettelagde utsiktspunkt og rasteplassar undervegs.
Med Lindstrøm Hotel som start- eller sluttpunkt, kan du ta turen over tre av dei flotte turistvegane: Aurlandsfjellet, Sognefjellet og Gaularfjellet.
Vegen over flotte Sognefjellet. Foto: Endre Knudsen/Visit Norway
Noregs høgaste fjellovergang
På veg til eller frå Lindstrøm Hotel kan du reise over Sognefjellet, Noregs høgaste fjellovergang. Partiet tek deg frå kulturlandskapet i Lom over fjellet til Luster og Gaupne inst i Sognefjorden.
Eller du kan køyre turen frå fjord til fjord over høgfjella på Aurlandsfjellet. Her er utsikta over Aurlandsfjorden frå Stegastein det store høgdepunktet.
Stegastein utsiktspunkt på Aurlandsfjellet. Foto: Sverre Hjørnevik/Fjord Norway
Populær rundtur over Gaularfjellet
Ein populær rundtur frå Lindstrøm Hotel er ruta Lærdal - Hella - Dragsvik - Gaularfjellet - Moskog og tilbake via Skei.
Denne ruta har mange flotte opplevingar undervegs, som den populære Utsikten på Gaularfjellet. Ein køyrer óg forbi bokbyen Fjærland - ein liten tettstad med flust av brukthandlar og over 150.000 brukte bøker.
Utsiktspunktet på Gaularfjellet, 700 m.o.h. Foto: Magnus Furset/Fjord Norway
Klar for å oppleve dei nasjonale turistvegane i sommar?
Vi hjelper deg gjerne med å planlegge opplevingar mens du bur hjå oss. Sjå våre ledige rom eller ta kontakt for ein prat.
