Få med deg årets Lærdalsmarknad - ein herleg tradisjon!

Under Lærdalsmarknaden blir gatene på Lærdalsøyri fylt med folk og aktivitetar.

Helga 19.-21. juni blir det liv og røre rundt hotellet vårt på Lærdalsøyri.

Lærdalsmarknaden er ein av Noregs eldste handelsmarknader. På årets plakat skiltar dei med slagordet “Velkomen til handelsfest mellom aust og vest!”. Og det passar jo ganske godt, all den tid Lærdal ligg ganske midt mellom Oslo og Bergen.

I marknadshelga kan du spasere mellom historiske trehus, medan du smakar på heimelaga lokalmat og sjølvdyrka frukt og grønt.

Det blir utstillingar frå lokale forhandlarar innan alt frå husflid, antikk, mat og verktøy. I tillegg til eit heilt program underhaldning, som konsertar, føredrag, dans og reparasjonsverkstad.

Vi har framleis ledige hotellrom på Lindstrøm Hotel denne helga. Bur du hos oss, bur du midt i marknadsstemninga.

Sjåast vi under Lærdalsmarknaden 2026?

Bilda er lånt frå Lærdalsmarknaden sin Facebook-side. Klikk for stor visning.