Ny bussrute “Fjord & Fjellruta”: Opplev Lærdal, Flåm og Aurland utan bil
Med den nye bussruta blir det enklare å utforske det beste Sogn har å by på. Bussen stoppar rett utanfor Lindstrøm Hotel.
Fjord & Fjellruta knyter saman fleire populære reisemål i regionen, som Gudvangen, Flåm, Aurland, Lærdal, Årdal og Filefjell.
Ruta er utvikla i samarbeid med Vy, noko som gjer det enkelt å reise vidare til og frå området frå mellom anna Oslo, Bergen og Sogndal.
Det aller beste er at busstoppet Lærdal rådhus er rett utanfor døra til Lindstrøm Hotel.
Flåm og Flåmsbana blir no endå meir tilgjengeleg med buss frå Lærdal.
Det beste regionen har å by på
Den nye bussruta gjer det enkelt å besøke attraksjonar som:
Flåm og Flåmsbana
Aurland og Stegastein
Borgund stavkyrkje
Kongevegen over Filefjell
Utladalen og Vettisfossen
Aurlandsfjellet og områda rundt Aurlandsdalen
Tips: Me har samla aktivitetar i nærområdet til hotellet her
Panoramautsikt over Aurlandsfjorden frå Stegastein utsiktspunkt.
Daglege avgangar til og frå Lindstrøm Hotel
Fjord & Fjellruta går dagleg frå 1. juli til 31. august, og fleire av avgangane passar godt for dagsturar frå hotellet.
Frå busstoppet Lærdal rådhus kan du mellom anna reise:
kl. 08:49 mot Borgund og Filefjell
kl. 09:26 mot Flåm og Aurland
kl. 12:06 mot Stegastein og Gudvangen
kl. 15:16 mot Årdal
Ruta har også gode samband vidare til mellom anna Vy-bussar, Flåmsbana og fjordcruise i området.
Kongevegen over Filefjell, her frå Borgund i Lærdal.
Ei meir avslappa reiseoppleving
Ferie i Sogn handlar om å oppleve både fjorden, fjella, attraksjonane og dei fine bygdene våre.
Med Fjord & Fjellruta kan du lene deg tilbake og nyte reisa utan å måtte tenkje på parkering eller lange bilturar.
